Malanday SportsFest 2023

Active Citizenship | 12-11-2022

Ang Malanday Basketball and Volleyball League 2022 ay taunang liga ng Sagguniang Kabataan ng Malanday na ang mga manlalaro ay residente lamang ng Barangay Malanday. Bago ang lahat ito ay nagkaroon ng Orientation ans Sports Clinic para sa mga manlalaro. Dito tinalakay ang mga guidelines, rules at game format ng ating palaro. Nangyare naman ang Opening Ceremony noong October 31, 2022. Pumarada ito sa 3S Malanday Covered court patungong Lingahan Covered court, kung saan rito gaganapin ang nasabing Malanday Basketball League.

Ang liga ay mayroong apat na division na binubuo ng Midget,Junior, Senior and Veterans na may labing dalawang manlalaro. Sa midget ay mayroong sampung (10) kuponan na ang edad ay labing-apat (14) na taong gulang pababa. Sa Junior naman ay mayroong labingwalong (18) kuponan na ang edad ay dalawampu’t dalawa taong (22) gulang pababa. Sa Senior naman ay mayroong labing-anim (16) na kuponan na ang edad ay tatlumpung (30) taong gulang pababa at sa Veterans naman o Balik-Laro na tinatawag ay mayroong ding labing-anim (16) na kuponan, na ang edad naman ay tatlumput-isang taong gulang (31) pataas.

Ang Malanday Volleyball League ay binubuo ng Men’s Division and Women’s Division na ang edad ay labinglimang taong gulang (15) pataas. Sa men’s division ay mayroong apat (4) na kuponan na binubuo ng sampung manlalaro. Para naman sa women’s division, mayroon lamang dalawang kuponan at binubuo rin ng sampung manlalaro.

Ang mga laro sa Malanday SportsFest 2022 ay nakapag simula ng palaro noong November 2, 2022 (Wednesday). Ang liga ay nag tagal ng mahigit isang buwan at nag tapos noong December 4, 2022.