Proyektong Pantawid Edukasyon

Education | 11-07-2020

Alinsunod sa pagdedeklara na Under State of Public Health Emergency ang bansang Pilipinas at ito ay mapapasailalim sa ECQ o Enhanced Community Quarantine ng ilang buwan, isa ang DepEd at CHED sa mga naapektuhan sa pagpapatupad nito. Ang mga klase sa Elementary, Secondary at Tertiary ng Pampubliko at Pribadong Paaralan ay nakansela upang malimitahan ang galaw ng tao sa ating bansa.

August 14, 2020 nang aprubahan ni Pres. Duterte na mailipat ang muling pagsisimula ng klase sa October 5, 2020 kung kaya’t ang Sangguniang Kabataan ng Barangay Malanday ay nagplano na maglunsad ng isang proyekto na makatutulong sa mga mag-aaral na maka-adapt sa panibagong pamamaraan ng pag-aaral.

October 19, 2020 nang ilunsad ng SK Malanday ang PROYEKTONG PANTAWID EDUKASYON, ito ay naglalayon na makapag-bigay ng tulong at suporta sa mga mag-aaral na haharap at susubok sa new normal na pag-aaral o ang Distance Learning Modality. Ang mga makatatanggap nito ay ang mga mag-aaral sa ALS (Alternative Learning System), Junior High school, Senior High school at College na kasalukyang naka-enroll sa kahit anong pampubliko o pribadong paaralan at lehitimong residente ng Barangay Malanday. Ang proyektong ito ay nagkaroon ng registration sa pamamagitan ng Google form, ang registration period ay nagtagal mula October 19, 7:00pm hanggang October 30, 11:59pm. Kinabukasan, November 1 ang naging posting ng official list of recipients, paraan at ilang paalala sa pag-claim ng Online Class and Educational Learning Kit. Ang bilang ng mga naging benepisyaryo sa ALS, JHS, SHS, at College ay may kabuuang bilang na humigi’t kumulang 800 benepisyaryo.

Nov. 7, 2020 ang naging claiming schedule for Online Class and Educational Learning Kit para sa mga Official Recipients sa pangunguna ng SK Malanday Council. Ang pag claim ay nagkaroon ng magkaibang oras, 9:00am-12:00nn para sa mga mag-aaral sa ALS at JHS, 2:00pm-5:00pn naman sa SHS at College Students. Ito ay ginanap sa 3^rd floor, 3S Center Malanday.

Ang kagamitang naipamahagi ay mula sa buwis ng taumbayan na siyang magagamit ng ating mga kabataang nangangailangan upang masuportahan ang kanilang pag-aaral ngayong pandemiya kaya naman lubos ang pasasalamat ng SK Malanday Council sa Sangguniang Barangay ng Malanday sa pangunguna ni Kap. Efren Santiago sa suporta, sa Philippine Army sa pamumuno ni Corp. Jaway na tumulong sa pagpapanatili ng kaayusan sa claiming area at lalo’t higit sa ating mga Tax Payers.

Tunay nga na malaki ang pagbabagong nararanasan ng bawat isa sa panahon ngayon ngunit hindi nito mahahadlangan ang kagustuhan ng bawat mag-aaral na abutin ang kanilang mga pangarap sa buhay.

//SKK Jianne Duque