Mask for the Youth

Health | 08-29-2020

Sa unang bugso ng mga kaso ng Covid 19 sa Pilipinas, isa sa mga naging pagbabago sa ating bansa ay ang pangangailangan ng pagsuot ng Face Mask tuwing tayo ay lalabas. Ito ay isang malaking  pagbabago sa mga Pilipino at hindi ito naging madali dahil suliranin ang pagsunod dito. Naging problema rin ng mga Pilipino ang biglaang pagtaas ng presyo ng mga disposable at reusable face mask.

Ito ang nag-udyok sa SK Malanday na mag-isip ng simpleng proyekto tulad ng pamamahagi ng reusable face mask. Ang mga ito ay dinala house to house upang maiwasan ang paglabas ng mga mamamayan sa barangay. Binigyan din ang iba’t ibang Youth Organizations upang ipamahagi sa kanilang mga miyembro. Ang tela at disenyo na ginamit sa mask ay masusing pinili ng konseho upang masiguro ang proteksyon na ibibigay sa gagamit nito. Sinamahan din ang mask ng isang banig ng Vitamin C upang makatulong sa pagpapalakas ng resistensya na may malaking bahagi ng paglaban sa virus.

Ang nasabing proyekto ay nagkaroon ng magagandang feedback mula sa mga nabahagian patunay na ang simpleng programa ay naging malaking tulong sa mga kabataan. Nakatutuwa pa na hanggang ngayon ay marami pa rin ang mga mamamayan na makikitang  gumagamit ng mask mula sa SK Malanday. Tunay nga na maging ang isang maliit na bagay ay nagiging malaking tulong para sa mga kapwa nating mabibiyayaan nito.