Pink Society Malanday Chapter - Election of Officers

Social Inclusion & Equity | 01-10-2020

Ang Pink Society ay kilalang non-government organization sa Valenzuela na tumutugon sa primary concerns ng mga miyembro ng LGBT Community. Sila rin ay tumutulong sa komunidad sa pamamagitan ng paglulunsad ng mga proyekto.

Ang Pink Society sa Valenzuela ay nahahati sa iba’t ibang pangkat na tinatawag nilang “Chapter”. Kadalasan, nakatuon ang kanilang pansin kung saang chapter sila kabilang. Gayunpaman, ang kada chapter na ito ay nasa ilalim pa rin pamamahala ng Pink Society sa Valenzuela.

Noong January 10, 2020 ay nagkaroon ng pagpupulong at pagtatalaga ng pamunuan ang bagong tatag na Pink Society – Malanday Chapter sa pangunguna ng itinalagang pinuno na si Mitchie Napura. Ang inyong lingkod ay dumalo sa nasabing pagpupulong upang magbigay suporta at magsilbing kinatawan ng SK Malanday. Dito ay naghalal sila ng pamunuan na mangangasiwa sa organisasyon at napag-usapan na rin ang ilan sa mga proyekto na kanilang ilulunsad. Sila rin ay nangakong magbibigay suporta sa mga magiging proyekto ng SK Malanday.

Ang SK Malanday ay sumusuporta sa mga adhikain ng iba’t ibang grupo na nakakatulong sa komunidad.

// SKK James Caacbay